Xornada micolóxica na parroquia da Gándara (Oroso): descubride o mundo dos cogomelos locais
O vindeiro sábado, 22 de novembro de 2025, celebrarase na parroquia da Gándara (Oroso) unha Xornada Micolóxica “Cogomelos da parroquia da Gándara”, unha cita pensada para amantes da natureza, curiosos e afeccionados á micoloxía.
A actividade terá un prezo de 15 € por participante e desenvolverase ao longo da mañá, combinando campo, aprendizaxe e gastronomía.
O programa será o seguinte:
- 09:30 h – Recepción dos participantes na Cafetería Tambre Golf & Croquet
- 09:45 h – Saída ao monte na busca de cogomelos
- 12:00 h – Charla explicativa sobre os cogomelos atopados e as especies máis comúns na parroquia da Gándara en Oroso
- 14:00 h – Degustación de cogomelos de cultivo
- 15:00 h – Peche da xornada
A xornada será dirixida por José María Costa Lago, experto micólogo e membro da Asociación Micolóxica-Naturalista Pan de Raposo.
O obxectivo principal é fomentar o respecto pola natureza, promover a recollida responsable e poñer en valor os recursos micolóxicos do municipio. A actividade está aberta a persoas de todas as idades (menores acompañados).
As prazas son limitadas, polo que se recomenda realizar a inscrición con antelación a través do teléfono 621 04 33 99 ou no seguinte formulario web:
https://forms.gle/DnETsN1aQj35Deta6
Para máis información e reservas, pódese contactar tamén a través do correo casaclub@tambregolf.com
Acercate a Tambre Golf & Croquet, acércate a Porto Avieira.
⛳🏌🏻 #ConcellodeOroso 🔵🔴⚫🟡